ولسمشر غني د کمال خان بند درېیم پړاو جوړولو چارې پرانستې
پربازدیدترین اخبار (شش ساعت اخیر)

پربازدیدترین اخبار (۲۴ ساعت اخیر)

پربازدیدترین اخبار (هفت روز اخیر)

خبرگزاری جمهور
پنج‌شنبه 31 حمل 1396

ولسمشر غني د کمال خان بند درېیم پړاو جوړولو چارې پرانستې

افغان ولسمشر محمد اشرف غني د افغانستان په لوېدیځ کې د کمال خان بند د جوړولو چارو درېیمه لړۍ هم پرانسته.د جمهور آژانس د خبر له مخې ولسمشر له یوه پلاوي سره یو ځای نن نیمروز ولایت ته ولاړ او هلته یې د کمال خان بند د جوړلو درېیمه لړۍ پیل کړه.د کمال خان بند د نیمروز ولایت د مرکز زرنځ ښار په ۷۵ کیلومترۍ کې د چهار برجک ولسوالۍ شمال لور ته د هلمند په سیند پروت دی.دغه بند د جوړېدو درې فازه لري، چې ټول مالي لګښت یې له سل میلیونه ډالرو څخه زیات اټکل شوی دی.د یاد بند د جوړېدو په لومړۍ مرحله کې د بند د خاورینې کاسې د دیوال جوړول دي، چې د ۳۴۰۰ متره په اوږدوالي، ۳۲ متره پلنوالي او له شپږو څخه تر ۱۱ مترو لوړوالي جوړ شوی دی.دوهم پړاو یې د قلعه افضل خان د بند او دېوال جوړولو چې په ۱۳۹۱ کې یې تړون شوی و، خو د امنیتي ستونزو له امله یې دغه پړاو، د ۱۳۹۴ کال د غوايي میاشتې په ۸ مه بشپړ شو.درېیمه مرحله یا پړاو خپله د کمال خان بند جوړول دي، چې چارې یې نن د ولسمشر محمد اشرف غني له خوا پیل شوې.په دغه پړاو کې به د ۱۶،۵ په لوړوالي، ۱،۶ کیلومتره په اوږدوالي، د ۴۵۰ متره په اوږدوالي او څلور متره په لوړوالي د بند پرچاوه جوړېږي.د دغه بند په جوړېدو سره به د زورورو سېلابونو مخنیوی وشي، له ۱۷۴۴۰۰ هکتاره څخه زیاتې نوې ځمکې او هغه ځمکې چې د اوبو له کمښت سره مخ دي خړوبې شي.دغه راز د یاد بند په جوړېدو سره به ۹ میګاواټه برېښنا هم تولید چې له ۶۰۰۰۰ زیاتې کورنۍ به ورڅخه ګټه واخلي.جمهورآژانس: نیمروز

خبر در سایت اصلی


هشتگ:   

ولسمشر

 | 

غني

 | 

کمال

 | 

خان

 | 

بند

 | 

درېیم

 | 

پړاو

 | 

جوړولو

 |