زمان انتشار : ۱۵ سرطان ,۱۳۹۶ | ساعت : ۰۸:۲۸ | کد خبر : 211374 | چاپ

رئیس جمهور برای سفر رسمی یک روزه، عازم تاجیکستان گردید

شفقناافغانستانمحمد اشرف غنی رئیس‌ جمهوری اسلامی افغانستان، صبح امروز در راس یک هیات بلند ‌رتبۀ دولتی به منظور اشتراک در دومین نشست سران کشورهای “پروژه کاسا یک هزار” عازم دوشنبه پایتخت تاجیکستان گردید.

به گزارش شفقناافغانستان،رئیس جمهورغنی در جریان این سفر یک روزه برعلاوۀ اشتراک و سخنرانی در نشست متذکره، با امام علی رحمان رئیس جمهور تاجیکستان روی گسترش بیشتر روابط میان دو کشور، دیدار و گفتگو خواهد کرد.

 رئیس جمهور در نشست سه جانبه سران کشورهای افغانستان، تاجبکستان و پاکستان اشتراک نموده و از نمایشگاه محصولات زراعتی و مواد غذایی جمهوری تاجکیستان دیدن خواهد کرد.

رئیس‌جمهور کشور را در این سفر، اکلیل حکیمی وزیر مالیه، عبدالستار مراد وزیر اقتصاد، داکتر محمدهمایون قیومی مشاور ارشد رئیس جمهور در امور زیربناها، محمدشاکر کارگر نماینده خاص رئیس جمهور در امور کشورهای آسیای میانه و شاه‌زمان میوندی مشاور ارشد رئیس جمهور در امور روابط عامه و ارتباطات استراتیژیک همراهی می نمایند.

انتهای پیام

af.shafaqna.com

شفقنا در شبکه های اجتماعی: توییتر | فیسبوک | تلگرام