شفقناافغانستان-رئیس جمهور تاجیکستان با رئیس اداره امنیت ملی افغانستان دیدار کرد.
به گزارش شفقنا افغانستان به نقل از خبرگزاری تاجیکستان “Asia-Plus” امامعلی رحمان رئیس جمهور تاجیکستان ظهر امروز در کاخ ملت شهر دوشنبه با محمد معصوم استانکزی رئیس اداره امنیت ملی افغانستان دیدار کرد.
در این دیدار طرفین بر گسترش مناسبات بین دولتهای تاجیکستان و افغانستان تأکید کردند.
بررسی تقویت مبارزه مشترک و شدید علیه تروریسم و افراطگرایی، قاچاق مواد مخدر و همکاری مؤثر در راستای تقویت مرزهای تاجیکستان و افغانستان از مسائل محوری این دیدار بود.
امامعلی رحمان و استانکزی همچنین در مورد از سرگیری اقدامات مؤثر برای تقویت همکاریهای مرزی، تقویت نیروهای سرحدی، هماهنگی بیشتر نیروهای سرحدی برای تأمین امنیت ملی دو کشور و تقویت همکاری نهادهای امنیتی تاجیکستان و افغانستان تبادل نظر کردند.
این دیدار در حالی صورت میگیرد که اخیرا طالبان عملیاتهای جنگی خود را در مناطق مرزی افغانستان و تاجیکستان افزایش دادند.