شفقنا افغانستان- تیم ملی فوتبال زیر 16 سال افغانستان، قرار است امروز (۲۶ ثور) در برابر تیم تاجیکستان به میدان برود.
به گزارش خبرگزاری شفقنا افغانستان، فدراسیون فوتبال افغانستان در صفحه فیسبوکش نوشت که این بازی ساعت هشت و نیم شب در ورزشگاه فوتبال شهر دوشنبه آغاز میشود.
تیم ملی فوتبال زیر شانزده سال افغانستان در جام قهرمانی آسیای میانه در دیدار نخستش با قرقیزستان ۱-۱ مساوی ماند اما از ازبیکستان ۶-۰ شکست خورد.
این رقابتها در دوشنبه پایتخت تاجیکستان ادامه دارد که در آن علاوه بر افغانستان، قرغیزستان، ازبکستان، ایران و تاجیکستان اشتراک کرده اند.
