شفقنا افغانستان-دولت تاجیکستان پس از درگیری گروهی از مهاجمان با پولیس سرحدی این کشور در مرز با افغانستان، تدابیر امنیتی در نواحی مرزی دو کشور را تشدید کرده است.
پولیس سرحدی تاجیکستان امروز با نشر خبرنامه اعلام کرد، پس از درگیری کوتاه تمام مهاجمان از سوی آنان کشته شده اند.
بر اساس خبرنامه، این گروه تروریستی روز گذشته از ولایت قندوز افغانستان وارد مرز تاجیکستان شده بود.
گفته می شود که مهاجمان مسلح یک گارد مرزی تاجیکستان را در حمله تهاجمی به قتل رسانده اند.
اخیرا فعالیت طالبان در مرز افغانستان و تاجیکستان بیشتر شده است.
چندی قبل گزارش شد که حدود 200 جنگجوی طالب به شمول تروریستان خارجی در مرز دو کشور مستقر شده اند.
گفتنی است که مقامات دولتی تاجیکستان قبل از این از وضعیت امنیتی در نواحی مرزی با افغانستان ابراز نگرانی کرده بودند.
انتهای پیام