زمان انتشار : ۲۸ ثور ,۱۳۹۸ | ساعت : ۰۹:۴۴ | کد خبر : 328791 | چاپ

تاجیکستان ۸۰ زندانی افغان را به افغانستان تحویل می‌دهد

شفقنا افغانستان-وزارت امور خارجه‌ی کشور اعلام کرده است که تاجیکستان ۸۰ زندانی افغان را که در زندان‌های آن کشور به سر می‌برند، به افغانستان تحویل می‌دهد.

به گزارش خبرگزاری شفقنا افغانستان؛در یک اعلامیه‌ی این وزارت که منتشر شده، آمده است که صلاح‌الدین ربانی، سرپرست وزارت خارجه‌ی کشور با امام علی رحمان، رییس‌جمهور تاجیکستان در شهر دوشنبه دیدار و درخواست انتقال زندانیان افغان از آن کشور را مطرح شده است.

به نقل از اعلامیه، این خواست آقای ربانی از سوی رییس‌جمهور تاجیکستان نیز پذیرفته شده است. تاجیکستان پیش ازاین نیز شماری از زندانیان افغان را به افغانستان مسترد کرده است. در این اعلامیه، آمار مشخصی از تعداد زندانیان افغان در تاجکستان ارائه نشده است.

افزون براین، دو طرف در این دیدار روی موضوعات امنیتی، اقتصادی و پروژه‌های انکشافی نیز بحث و گفت‌وگو کرده است.

در اعلامیه‌ی وزارت خارجه همچنان به نقل از رییس‌جمهوری تاجیکستان آمده است که بند برق راغون در یک سال آینده تکمیل و از آن برای افغانستان نیز برق صادر خواهد شد. آقای ربانی نیز در این دیدار از حمایت‌های دولت و مردم تاجکستان برای افغانستان سپاسگزاری کرده است.

تاجیکستان یکی از همسایگان شمالی افغانستان است که با سه ولایت شمالی این کشور (بدخشان، تخار و قندوز) در حدود یک هزار و ۳۰۰ کیلومتر مرز مشترک دارد.

انتهای پیام

af.shafaqna.com

شفقنا در شبکه های اجتماعی: توییتر | فیسبوک | تلگرام

پاسخ به این نظر

Please enter your comment!
Please enter your name here