طالبان پایگاه‌های نیروهای خارجی را به زون‌های اقتصادی کشور تبدیل می‌کند

شفقنا افغانستان- بر اساس فیصله کمسیون اقتصادی طالبان، محل پایگاه‌های پیشین نیروهای خارجی در نقاط مختلف افغانستان، به‌زون‌های ویژه اقتصادی تبدیل می‌شوند.

به گزارش خبرگزاری شفقنا افغانستان، در این نشست که به ریاست ملا عبدالغنی برادر، معاون اقتصادی ریاست‌الوزرای طالبان برگزار گردید، فیصله شد که این پایگاه‌ها به‌گونه تدریجی به وزارت صنعت و تجارت سپرده شوند.

بر اساس یک اعلامیه معاونیت اقتصادی ریاست‌الوزرای طالبان، در گام نخست کار آزمایشی در پایگاه‌های نیروهای خارجی در بلخ و کابل آغاز می‌شود.