شفقنا افغانستان- یک هیئت متشکل از مقامات وزارت امور خارجه طالبان به تاجیکستان سفر کرده و از قنسولگری افغانستان در شهرخاروق، دیدار کرده است.
به گزارش خبرگزاری شفقنا افغانستان، عبدالقهار بلخی، سخنگوی وزارت امور خارجه طالبان در توئیترش نوشته است که هیئتی از وزارت امور خارجه به ریاست حاجی محمد موسی امیری، رییس مالی و اداری این وزارت، از قنسولگری افغانستان در شهر خاروق، مرکز بدخشانِ تاجیکستان دیدن کرده است.
به گفته بلخی، اینهیئت ضمن ارزیابی امور قنسولگری، تعمیر آن را نیز از نزدیک بررسی و نظر خود را جهت بازسازی آن با مقام وزارت امور خارجه شریک کردهاند.
گفته شده که تعمیر قنسولگری افغانستان در شهرخاروق تاجکسان، در نتیجه برفکوچهای اخیر آسیب دیده بود.
گفتنی است پس از روی کار آمدن طالبان، میان افغانستان وتاجیکستان روابط دیپلوماتیک وجود ندارد و سفارت افغانستان در تاجیکستان نیز از سوی ظاهر اغبر، سفیر دولت پیشین اداره میشود.
