شفقنا افغانستان-رئیسجمهور افغانستان صبح امروز در راس یک هیات عالی رتبه دولتی به شهر زرنج مرکز ولایت نیمروز رسید.
به گزارش خبرگزاری شفقنا افغانستان ؛به نقل از ارگ، محمد اشرف غنی رئیس جمهوری اسلامی افغانستان صبح امروز در راس یک هیات عالی رتبه دولتی به شهر زرنج مرکز ولایت نیمروز رسید. رئیس جمهور در جریان سفرش به این ولایت ضمن دیدارهای جداگانه با بزرگان و متنفذین، علما، جوانان، زنان و تجاران ولایت نیمروز، در مراسم حرکت اولین محموله صادراتی افغانستان جانب بندر چابهار نیز اشتراک خواهد کرد.
