شفقنا افغانستان – تاجیکستان ۸۰ شهروند افغانستان را که در این کشور در بند به سر میبردند، به حکومت افغانستان سپرده است.
به گزارش خبرگزاری شفقنا افغانستان؛ صبغتالله احمدی، سخنگوی وزارت امور خارجه به روزنامه ۸صبح گفت که این زندانیان صبح روز یکشنبه، ششم اسد به حکومت افغانستان سپرده شده و این هشتاد زندانی وارد کشور شده است.
گفته شده است که این زندانیان به ولایت کندز رسیده است.
گفتنی است که وزارت خارجه در بیستوهفتم ثور اعلام کرد که امام علی رحمان، رییس جمهور تاجیکستان در دیداری با صلاحالدین ربانی در حاشیه نشست وزیران خارجه آسیای مرکزی به اضافه جاپان، تعهد کرده است که ۸۰ زندانی افغانستان را مسترد کند.
در این نشست صلاحالدین ربانی، وزیر خارجه از رییس جمهور تاجیکستان خواستار اجرایی شدن موافقتنامه «استرداد مجرمان» میان دو کشور و انتقال زندانیان به افغانستان شده بود.
با این حال، صبغتالله احمدی، سخنگوی وزارت امور خارجه میگوید که به دنبال این در خواست افغانستان، ۸۰ نفر از شهروندان افغانستان که در تاجیکستان زندانی بودند، برای ادامه محکومیت به حکومت سپرده شده است.
هرچند تاکنون روشن نیست که چه تعداد از شهروندان افغانستان در تاجیکستان زندانیاند، اما پیش از این نیز شماری از زندانیان افغان از تاجیکستان به کشور انتقال یافتهاند. تاجیکستان در همسایهگی افغانستان قرار دارد و با چند ولایت کشور هممرز است.
