شفقنا افغانستان- تاجیکستان بیش از سه هزار تُن محموله کمکی برای آسیبدیدگان زمینلرزه کنر به افغانستان ارسال کرده است.
به گزارش شفقنا افغانستان، امامعلی رحمان، رییسجمهور تاجیکستان، روز دوشنبه (۱۷ سنبله) اعلام کرد که این کمکها شامل آرد، برنج، روغن، بوره، کمپل، کفش، لباس و برخی اقلام دیگر است.
در صفحه فیسبوک رییسجمهور تاجیکستان آمده است که «این اقدام نمادی روشن از همدلی و شفقت مردم تاجیکستان نسبت به مردم برادر افغانستان و گواهی بر سیاست انسانی و حسن همجواری جمهوری تاجیکستان است.»
پیشتر ولادیمیر پوتین، رییسجمهور روسیه، بیش از ۲۰ تُن خیمه و کمپل به زلزلهزدگان کنر فرستاده بود. همچنان، کشورهای اوزبیکستان و ترکمنستان نیز کمکهای فوری ارسال کردهاند.
زلزله ۶ ریشتری کنر تاکنون جان بیش از دو هزار و ۲۰۰ تن را گرفته و هزاران خانه را ویران کرده است.
