شفقنا افغانستان – حامد کرزی، رییسجمهور پیشین افغانستان، و عبدالله عبدالله، رییس شورای عالی مصالحه ملی حکومت پیشین، با آسیبدیدگان زمینلرزهی دیشب در شمال کشور ابراز همدردی کرده و خواستار کمک به آنان شدهاند.
به گزارش خبرگزاری شفقنا افغانستان، آقای کرزی با نشر پیامی در ایکس ابراز امیدواری کرده است که تاجران و سازمانهای امدادرسان ملی و بینالمللی به آسیبدیدگان زمینلرزه کمک کنند.
عبدالله عبدالله نیز در پیامی گفته است: «از نهادهای امدادرسان و شهروندان توانمند کشور صمیمانه درخواست مینماییم تا هرچه سریعتر برای یاریرساندن به آسیبدیدگان اقدام نموده و وظیفهی انسانی خود را در جهت حفظ جان و کمک به هموطنان ایفا نمایند.»
زمینلرزهای با قدرت ۶.۳ ریشتر دیشب ولایتهای شمال افغانستان را لرزاند.
براساس آمار وزارت صحت عامهی طالبان، براثر این زمینلرزه در بلخ و سمنگان دستکم ۲۰ نفر جان باخته و ۵۳۴ نفر دیگر زخمی شدهاند.
