شفقنا افغانستان – آژانس خبری رویترز به نقل از سه منبع در شورای امنیت و کمیته دولتی امنیت ملی تاجیکستان گزارش داده که اینکشور خواهان کمک روسیه برای تأمین امنیت در مرز با افغانستان شده است.
به گزارش خبرگزاری شفقنا افغانستان، گفته شده که دوشنبه در حال گفتوگو با مسکو است تا زمینه «گشتزنی مرزی مشترک با نیروهای روسی» که در تاجیکستان مستقر هستند را فراهم کند.
یکی از منابع گفته است: «فکر کنم تصمیم این هفته گرفته خواهد شد.»
بر اساس گزارش، در صورت موفقیت مذاکرات، روسیه از هلیکوپتر برای کمک به گشتزنی در مرز ۱,۳۴۴ کیلومتری با افغانستان که مناطقی کوهستانی است، استفاده خواهد کرد.
در دو حمله جداگانه طی یک هفته گذشته، پنج شهروند چین در منطقه مرزی افغانستان و تاجیکستان کشته شدند. مقامات تاجیک گفتهاند که حملات از «خاک افغانستان» صورت گرفته است.
به گزارش رویترز امامعلی رحمان، رییسجمهور تاجیکستان، روز دوشنبه با روسای سازمانهای امنیتی خود درباره این وضعیت صحبت کرده است.
در همین حال چین به شهروندان خود در تاجیکستان توصیه کرده است که فوراً مناطق مرزی را ترک کنند.
