شفقناافغانستان – تاجیکستان خواستار برگزاری نشست پیمان امنیت جمعی در مورد افغانستان شد
وزارت خارجه تاجیکستان اعلام کرده که خواستار نشست مشترک سران کشورهای سازمان همکاری شانگهای و سازمان پیمان امنیت جمعی درباره افغانستان شده است.
وزارت خارجه تاجیکستان در بیانیهی گفته که این نشست مشترک به روز جمعه آینده در شهر دوشنبه پایتخت این کشور برگزار خواهد شد.
بر بنیاد معلومات وزارت خارجه تاجیکستان، این نشست برای بررسی وضعیت افغانستان و همکاری برای جلوگیری از حملات احتمالی از خاک افغانستان برگزار میشود.
تاجیکستان از احتمال ورود تندروان اسلامی به کشورش نگران است.
روز گذشته نیز گزارشهای منتشر شد که دولت روسیه تجهیزات سنگین خود را به خاطر دفع هرگونه تهدید احتمالی، در مرز تاجیکستان با افغانستان مستقر کرده است.
