شفقنا افغانستان_مقامات امنیتی تاجیکستان از فعالیت پنج گروه تروریستی از جمله داعش در مرز مشترک با افغانستان خبردادند.
به گزارش شفقنا به نقل از افق،رجبعلی رحمانعلی، فرمانده نیروهای مرزی کمیته امنیت ملی تاجیکستان گفته است که گروههای طالبان، داعش، جماعت انصارالله، حرکت اسلامی ترکستان و القاعده در شمال افغانستان فعالیت دارند و وضعیت در این کشور را پیچیده و غیر قابل پیشبینی کرده است.
وی گفته است که بر اساس پیشنهاد کمیته امنیت ملی و با حمایت رییس جمهور تاجیکستان، نیروهای ویژه برای تقویت حفاظت از مرز با افغانستان ایجاد شده است.
به گفته او، مرزبانان تاجیکستانی با رعایت قوانین و بدون انحراف، حفاظت از مرزهای این کشور را به گونه درست اداره میکنند.
این درحالی است که قبلاٌ نیز تاجیکستان و دیگر همسایهگان شمالی افغانستان، از فعالیت گروه داعش در این کشور ابراز نگرانی کرده بودند.
همچنان قبلاٌ مقامات روسی گفته بودند، چرخبالهای ناشناس افراد داعش را در شمال افغانستان انتقال می دهند و ما از آن نگران هستیم.
به گفته آنان، در این مورد از شورای امنیت ملی افغانستان و آمریکا خواستار توضیحات شدهایم، اما آنان پاسخ قناعت بخش ارایه نکردهاند.
انتهای پیام
