شفقنا افغانستان- در پی تشدید جنگ در شمال افغانستان وزارت دفاع تاجیکستان اعلام کرد نیروهای مسلح این کشور در مرز با افغانستان در حالت آماده باش درآمدهاند.
به گزارش خبرگزاری شفقنا افغانستان به نقل از خبرگزاری دولتی تاجیکستان- خاور فریدون محمدعلیزاده؛ سخنگوی وزارت دفاع تاجیکستان اعلام کرد: با افزایش درگیریها و وخامت اوضاع در افغانستان، نیروهای مسلح تاجیکستان به همراه نیروهای مرزبانی از مرزهای این کشور محافظت میکنند.
وی افزوده است: «این روزها هیچ تجهیزات یا نیرو اضافی تحویل داده نشده است و فعلا برنامهای برای انجام این کار وجود ندارد، زیرا اوضاع ناپایدار در افغانستان ما را مجبور کرده تا واحدهای نظامی خود را در خط دوم دفاع تقویت کنیم».
این در حالی است که طالبان در شمال شرق کشور، ولسوالیهای مرزی با تاجیکستان به شمول بندر تجارتی شیرخان در قندوز را اشغال کردهاند.
