شفقنا افغانستان- امامعلی رحمان، رئیس جمهور تاجیکستان در افتتاحیه نشست سازمان همکاری شانگهای بر ضرورت تشکیل دولت فراگیر در افغانستان تاکید کرد.
به گزارش شفقنا، به نقل از خبرگزاری خاور، امامعلی رحمان، رئیس جمهور تاجیکستان طی سخنانی در افتتاحیه نشست سازمان همکاری شانگهای در شهر دوشنبه پایتخت کشورش تاکید کرد که در افغانستان باید «دولت فراگیر» و با مشارکت همه اقوام تشکیل شود.
وی افزود: ما مجددا جامعه جهانی به ویژه سازمان ملل و کمیته صلیب سرخ را به ارائه کمک فوری به مردم افغانستان به ویژه ولایت پنجشیر که طی حدود 2 ماه تحت محاصره قرار دارند، فرامیخوانیم.
نشست سازمان همکاری شانگهای برابر با بیستمین سالگرد تاسیس این سازمان امروز در شهر دوشنبه پایتخت تاجیکستان آغاز شده است.
در این نشست رهبران و نمایندگان از تاجیکستان، هند، قزاقستان، چین، قرقیزستان، پاکستان، روسیه، بلاروس، ایران، مغولستان، ترکمنستان و لادیمیر نوروف، دبیرکل این سازمان، دبیر کل سازمان ملل و نمایندگان از برخی دیگر از سازمان های بین المللی شرکت میکنند.
گفتنی است در این نشست مسایل امنیتی، منطقهای و بین المللی به ویژه اوضاع افغانستان و همچنین فعالیتهای این سازمان مورد به بحث و بررسی گرفته میشود.
