شفقنا افغانستان- رسانه‌های روسیه از گفتگوی رئیس جمهور پوتین با همتای تاجیکستانی‌اش خبر داده‌اند که در مورد افغانستان صحبت کرده‌اند.
به گزارش خبرگزاری شفقنا افغانستان، خبرگزاری تاس به نقل از دفتر رسانه‌های امام‌علی رحمان رئیس جمهور تاجکستان گزارش داده که او با همتای روسی‌اش ولادیمیر پوتین، روی وضعیت فعلی افغانستان و تحولات در مناطق مرزی تاجیکستان گفتگو کرده است.
این درحالی است که شنبه گذشته، از ولسوالی خواجه غار ولایت تخار، بر اهداف نامعلوم در تاجیکستان راکت‌پراکنی صورت گرفت.
مسئولیت این حملات را گروه دولت اسلامی معروف به داعش پذیرفته است.
