شفقنا افغانستان- حکومت تاجیکستان میگوید که حکومت طالبان پول برق را پرداخت نکرده است.
به گزارش خبرگزاری شفقنا افغانستان، محمد عمر آسوزاده، رئیس شرکت برق تاجیکستان، در دوشنبه در یک نشست خبری گفت که حکومت طالبان پول برق وارداتی به افغانستان را پرداخت نکرده است.
او نگفت که حکومت طالبان چقدر به آنها بدهکار است، اما مقامهای تاجیک در ۳۱ جنوری گفته بودند که حکومت فعلی افغانستان ۳۱ میلیون دالر از بابت برق به آنها بدهکار است.
وی افزود که تاجیکستان همین اکنون سالانه ۹ میلیون کیلووات برق به افغانستان میدهد که هزینه هر وات ۳ سنت قیمت دارد.
شرکت برشنا تا اکنون در این مورد چیزی نگفته است.
