شفقنا افغانستان- تاجیکستان میگوید که داد و ستد تجارتی را با افغانستان افزایش داده است.
به گزارش خبرگزاری شفقنا افغانستان، اداره خدمات گمرکی تاجیکستان می گوید، در سه ماه نخست امسال، به ارزش ۴۰ میلیون دالر به افغانستان صادرات داشته است.
به گفته منبع، این آمار در مقایسه با عین زمان در سال ۲۰۲۱، حدود ۶ میلیون دالر افزایش را نشان می دهد.
تاجیکستان بیشتر سمنت، زغال و محصولات زراعتی را به افغانستان صادر می کند.
پس از حاکمیت دو باره طالبان در افغانستان، روابط این کشور با تاجیکستان خوب نبوده، با این هم تاجیکستان صادرات برق به افغانستان را متوقف نکرده است.
روزانه حدود ۹ ملیون کیلووات برق از تاجیکستان به افغانستان صادر می شود.
