شفقنا افغانستان- تاجیکستان روند اخراج پناهجویان فاقد مدرک را از اواخر هفته گذشته آغاز کرده و در نخستین مرحله یک گروه ۹ نفری را از آن کشور به افغانستان باز گردانده است.
به گزارش خبرگزاری شفقنا افغانستان، نشریه آسیاپلس امروز گزارش داده است که نخستین گروه شهروندان اخراج شده از تاجیکستان، روز گذشته به افغانستان باز گردانده شده است.
خانم یک تن از افراد اخراجشده گفته است که همسرش دارای گواهینامه پناهندهگی کمیساریای عالی سازمان ملل متحد در امور پناهندهگان است؛ اما از سوی نظامیان تاجیکستان اخراج شده است.
این زن گفته که اکنون با ۳ فرزندش در تاجیکستان مانده و شوهرش به افغانستان باز گردانده شده است.
کمیساریای عالی سازمان ملل متحد در امور پناهندهگان گفته است که از اخراج پناهجویان افغان در تاجیکستان آگاهی دارد و بهزودی در این خصوص اعلامیهای صادر خواهد کرد.
وزارت داخله تاجیکستان گفته است که پروندههای ۳۲ شهروند افغانستان را به اتهام نقض مقررات اقامت ترتیب و به دادگاه فرستاده، اما هیچ شهروند افغانستان را اخراج نکرده است.
گفتنی است که تاجیکستان نخستین کشور آسیای میانه بود که پس از تسلط طالبان بر افغانستان، از پذیرش حدود ۱۰۰ هزار شهروند افغان که جانشان در خطر بود، خبر داد.
