شفقنا افغانستان- عبدالله عبدالله؛ رییس شورای عالی مصالحه در دوشنبه با قاهر رسولزاده؛ صدر اعظم تاجیکستان دیدار کرد. در این دیدار، صدر اعظم تاجیکستان گفتهاست که کشورش از تلاشهای صلح در افغانستان حمایت میکند.
به گزارش خبرگزاری شفقنا افغانستان، رسولزاده در گفتگو با عبدالله گفتهاست که افغانستان از دوستان و متحدان تاجیکستان است و روابط میان دو کشور حسنه میباشد.
صدر اعظم تاجیکستان تاکید کرده که کشورش از تلاشهای صلح در افغانستان حمایت میکند و صلح و ثبات در افغانستان را صلح و ثبات در تاجیکستان و منطقه میداند.
رسولزاده ابراز امیدواری کرده که تلاشهای صلح به رهبری عبدالله عبدالله نتیجه بدهد.
عبدالله هم در گفتگو با صدر اعظم تاجیکستان، روابط میان دو کشور را دیرینه و تاریخی خوانده و تصویر روشنی از مذاکرات صلح و حمایت منطقهای از این روند ارائه کرده است.
او در این دیدار، نقش پاکستان در تامین صلح در افغانستان را مهم خواندهاست.
رییس شورای عالی مصالحه برای جلب حمایت منطقهای از تلاشهای صلح امروز (دوشنبه، 1 جدی) راهی دوشنبه پایتخت تاجیکستان شد.
عبدالله در این سفر قرار است با امامعلی رحمان؛ رییس جمهوری و سراجالدین مهرالدین؛ وزیر امور تاجیکستان نیز دیدار کند.
این چندمین سفر منطقهای عبدالله در مورد روند صلح به کشورهای همسایه و منطقه است.
او پیش از این به هدف جلب حمایت از روند صلح، به کشورهای پاکستان، ایران، هند، ازبکستان و ترکیه سفر کردهاست.
سفر وی به تاجیکستان در حالی انجام میشود که مذاکرات میان دولت و طالبان متوقف است.
قرار است که این مذاکرات به تاریخ پنجم ماه جنوری دوباره از سرگرفته شود.
