افغانستان- اشرفغنی؛ رییس جمهوری که برای اشتراک در نشست موسوم «روند استانبول- قلب آسیا» به تاجیکستان رفته با امامعلی رحمان؛ رییس جمهوری این کشور دیدار کرد.
به گزارش خبرگزاری شفقنا افغانستان، امامعلی رحمان از اشرفغنی در مراسمی در «کاخ ملت» تاجیکستان پذیرایی کرد.
اشرف غنی برای اشتراک در نهمین نشست «روند استانبول- قلب آسیا» صبح امروز (دوشنبه، ۹ حمل) راهی دوشنبه پایتخت تاجیکستان شد.
رییس جمهوری در این سفر دو روزه، برعلاوه اشتراک و سخنرانی در نشست «روند استانبول- قلب آسیا» در دانشگاه ملی تاجیکستان سخنرانی میکند و سند دوکتورای افتخاری از سوی رییس پوهنتون متذکره، به وی اعطا خواهد شد.
قرار است امروز نشست موسوم به «روند استانبول-قلب آسیا» با میزبانی مشترک افغانستان و تاجیکستان در دوشنبه آغاز شود.
میرویس ناب؛ معین سیاسی وزارت امور خارجه که برای حضور در این نشست به تاجیکستان رفتهاست، میگوید «روند استانبول-قلب آسیا» امسال با محوریت اجماع منطقهای در مورد روند صلح افغانستان برگزار خواهد شد.
سازمان منطقهای «قلب آسیا – روند استانبول» در سال ۲۰۱۱ به ابتکار و پیشنهاد افغانستان و با حمایت ترکیه تشکیل شد. هدف از این نشست، همکاری امنیتی و اقتصادی در منطقه است.
نخستین کنفرانس این روند با شرکت وزرای امور خارجه ۱۴ کشور شامل؛ ایران، ترکیه، افغانستان، جمهوری آذربایجان، چین، هند، قزاقستان، قرقیزستان، پاکستان، روسیه، عربستان سعودی، تاجیکستان، ترکمنستان و امارات متحده عربی در استانبول برگزار شد.
استرالیا، کانادا، دانمارک، مصر، فرانسه، فنلاند، آلمان، عراق، ایتالیا، جاپان، ناروی، هلند، اسپانیا، سوئد، انگلیس و امریکا هم کشورهای حامی این روند هستند. چندین سازمان منطقهای و بینالمللی نیز از آن پشتیبانی کردهاند.
