شفقناافغانستان- ابراهیم رییسی، رییس جمهور ایران که به تاجیکستان سفر کرده است، میگوید که تهران و دوشنبه درباره وضعیت مردم افغانستان «دغدغه مشترک» دارند.
به گزارش خبرگزاری شفقناافغانستان؛ رییسی این اظهارات را روز چهارشنبه، ۱۸ عقرب، در یک نشست خبری مشترک با امام علی رحمان، رییس جمهور تاجیکستان، در شهر دوشنبه مطرح کرده است.
ابراهیم رییسی تاکید کرده است که هردو کشور به تشکیل یک حکومت که بتواند از تمام مردم افغانستان نمایندگی کند، باورمند هستند.
ابراهیم رییسی روز گذشته به تاجیکستان سفر کرده بود.
چندی پیش، رییسان جمهور ایران و تاجیکستان از «حضور و فعالیت» گروههای تروریستی در افغانستان ابراز نگرانی کرده بودند.
گفتنی است که همواره شماری از کشورهای همسایه افغانستان بهویژه ایران، پاکستان، تاجیکستان، روسیه و هند از افزایش قاچاق مواد مخدر و گسترش فعالیتهای تروریستی پس از تسلط دوباره طالبان بر کشور ابراز نگرانی و بر ایجاد حکومت فراگیر در افغانستان تاکید کردهاند.
اما طالبان بارها ادعاهای مطرح شده را تکذیب کردند و رژیم این گروه را همهشمول خوانده و از کشورهای جهان خواستهاند تا در مسایل داخلی افغانستان مداخله نکنند.
