شفقنا افغانستان – تلویزیون ملی افغانستان که اکنون تحت کنترل طالبان است، گزارش داده است که یک هیأت بلندپایه از تاجیکستان وارد کابل شده است.
به گزارش خبرگزاری شفقنا افغانستان، هدف از سفر این هیأت «گسترش روابط سیاسی، اقتصادی و امنیتی میان افغانستان و تاجیکستان» عنوان شده است.
بر اساس گزارش تلویزیون ملی افغانستان، قرار است این هیأت تاجیکستانی با مقامهای طالبان «در مورد همکاریهای آینده، موضوع سفارت افغانستان در دوشنبه، پایتخت تاجیکستان و شماری از موضوعهای دیگر گفتوگو کند.»
تاجیکستان از جمله کشورهای آسیایی مرکزی است که کمترین تعامل را با طالبان دارد.
اما در این اواخر روابط این کشور با طالبان گستردهتر شده و هیأتهای میان دو طرف در رفتوآمد بوده است.
این در حالی است که تاجیکستان میزبان احمد مسعود، رهبر جبهه مقاومت ملی افغانستان و از چهرههای مخالف طالبان در سطح سیاسی و نظامی است.
