شفقنا افغانستان-در دوشنبه، وزارت امور خارجه تاجیکستان به طور رسمی به سخنان «عبدالقیوم کوچی» سفیر افغانستان در روسیه اعتراض کرد.
به گزارش شفقنا افغانستان، وزارت خارجه تاجیکستان سفیر افغانستان را احضار و مراتب اعتراض شدید تاجیستان را در ارتباط با اظهارات تحقیرآمیز سفیر افغانستان در روسیه نسبت مردم و دولت این کشور اعلام کرد.
هفته گذشته عبدالقیوم کوچی کاکای شارف غنی سفیر افغانستان در روسیه در اظهار داشته بود که در تاجیکستان گروههای قوی مافیای وجود دارند و به قاچاق مواد مخدر افغانستان مشغول هستند.
عبدالقیوم کوچی در مصاحبه با شفیع عیار که در این روز ها در یوتوب ظاهر شد،روسیه را به قاچاق مواد مخدر متهم کرد و گفت«من در ملاقات بایکی از مقامات بلند پایه روسیه برایش گفتم، مواد مخدر در افغانستان کشت میشود، ولی پشت سر آن شما (روس ها) و مافیای تاجیکستان است».
وی افزوده بود: تاجیکستان یک کشور کوچک با جمعیت کمتر از 5 ملیون نفر است ،که یک ملیون آنها را روسها تشکیل میدهد.تاجیک ها حق نوشتن به زبان خود را ندارند،آنها حتی نوشتار خود را تغیر داده اند. در تاجیکستان گروههای قوی مافیای فعالیت دارند.
دولت تاجیکستان به دولت افغانستان هشدار داده سخنان یکی از مقامات رسمی این کشور را مورد بازبینی قرار داده و تدابیر موثری در این زمینه به کار گیرند.
انتهای پیام
www.af.shafaqna.com