شفقنا افغانستان_گروهی از روزنامه نگاران تاجیک برای ادای احترام به قربانیان حملات انتحاری اخیر در کابل که بیش از صد کشته و بیش از ۲۳۰ زخمی برجا گذاشت، در کنار ساختمان سفارت افغانستان در دوشنبه گل گذاشتند.
در این رویداد که صبح دوشنبه 9 بهمن برگزار شد، زلمی یونسی، سفیر افغانستان در تاجیکستان، از این اقدام تقدیر کرد. روز شنبه امامعلی رحمان، رئیس جمهوری تاجیکستان، نیز با ارسال پیامی به محمد اشرف غنی، رئیس جمهوری افغانستان، به مردم این کشور و بستگان قربانیان انفجار کابل ابراز همدردی کرد.
انتهای پیام
