زمان انتشار : ۱۹ میزان ,۱۳۹۷ | ساعت : ۱۰:۲۴ | کد خبر : 294137 | چاپ

داکتر عبدالله عازم تاجیکستان شد

شفقنا افغانستان_داکتر عبدالله عبدالله رئیس اجرایی حکومت وحدت ملی برای اشتراک در هفدهمین اجلاس سران حکومت‌های سازمان همکاری‌‌شانگهای به تاجیکستان رفت.

  عبدالله،‌ امروز پنجشنبه (۱۹ میزان) در راس یک هیأت بلندپایه‌ دولتی به منظور اشتراک در هفدهمین اجلاس سران حکومت‌های سازمان همکاری‌شانگهای عازم دوشنبه پایتخت تاجیکستان گردید.

در این سفر صلاح‌الدین ربانی وزیر امورخارجه و تعدادی از مسوولین حکومتی داکتر عبدالله را همراهی می‌کنند.

 عبدالله، در اجلاس سران حکومت‌های سازمان شانگهای که سالانه برای ارزیابی وضعیت منطقه و سیاست‌های این سازمان برگزار می‌گردد به نمایندگی از دولت افغانستان اشتراک و سخنرانی می‌کند.

رئیس اجرایی در حاشیه‌ نشست سران حکومت‌های شانگهای با رئیس جمهور تاجیکستان، نخست وزیر فدراتیف روسیه، نخست وزیر جمهوری خلق چین٬ نخست وزیر جمهوری ازبیکستان، نخست وزیر جمهوری قزاقستان٬ نخست وزیر جمهوری قرغیزستان٬ نخست وزیر جمهوری تاجیکستان، نخست وزیر بلاروس و وزیر امورخارجه هند دیدار می‌کند.

داکتر عبدالله در سخنرانی خود در این اجلاس و در دیدارهای خود با مقامات و نمایندگان کشورهای مختلف در حاشیه اجلاس در کنار موضوعات مختلف به طور عمده پیرامون نیاز مبرم مبارزه مشترک با دهشت‌افگنی، مبارزه با قاچاق مواد مخدر، گسترش همکاری‌و همگرایی منطقه‌ای، تطبیق برنامه‌های کلان منطقه‌ای، افزایش دادوستد بازرگانی و جلب حمایت کشورهای منطقه از روند صلح به مالکیت و رهبری افغانستان صحبت خواهد کرد.

انتهای پیام

af.shafaqna.com

شفقنا در شبکه های اجتماعی: توییتر | فیسبوک | تلگرام

پاسخ به این نظر

Please enter your comment!
Please enter your name here