زمان انتشار : ۵ عقرب ,۱۳۹۷ | ساعت : ۱۱:۳۲ | کد خبر : 296700 | چاپ

طالبان یک مدیر دولتی را در غور تیرباران کرد

مسوولان محلی در ولایت غور می‌گویند که افراد طالبان، مدیر اداره ثبت احوال و نفوس ولسوالی شهرک این ولایت را تیرباران کرده‌اند.

به گزارش شفقناافغانستان؛ عبدالحی خطیبی، سخنگوی والی غور گفت که نام این مدیر دولتی عبدالسلام بوده و عصر جمعه ۴ عقرب، در روستای «اسکیچی» ولسوالی شهرک کشته شده است.

او افزود که تاکنون انگیزه این رویداد مشخص نیست.

در همین حال، فضل الحق احسان، رییس شورای ولایتی غور در گفت‌وگو با افق، از تیرباران کارمندان دولتی از سوی طالبان در این ولایت ابراز نگرانی می‌کند.

این در حالی است که بارها طالبان مسلح اقدام به تیرباران کارمندان دولتی در ولایت غور کرده‌اند.

انتهای پیام

af.shafaqna.com

شفقنا در شبکه های اجتماعی: توییتر | فیسبوک | تلگرام