باشندگان غور بیش از ۴۷ میلیون افغانی به معارف کمک کرده‌اند

شفقنا افغانستان_در جریان سال جاری باشندگان ولایت غور، بیش از ۴۷ میلیون افغانی به معارف این ولایت کمک کرده اند.

احمد صابر نوری، رییس معارف غور گفته است که باشندگان این ولایت برای اعمار مکاتب زمین‌های شان را به مساحت مجموعی ۸۳۲ هزار و ۲۴۶ مترمربع به معارف سپرده اند.

او هم چنین افزوده است که این کمک‌های مردمی هم چنین شامل تهیه کردن میز، چوکی، فرش و اعمار دیوارهای مکاتب می‌باشد.

در همین حال، عبدالرحمن عطشان، معاون شورای ولایتی غور به خبرگزاری افق، گفت که باشندگان غور کمک‌های بیشتری به معارف این ولایت در سال آینده خواهند کرد.

غور در زون غرب کشور از جمله ولایت‌های محروم شمرده می‌شود، با آنهم باشندگان این ولایت در راستای آموزش کودکان شان تلاش می‌کنند.