شفقنا افغانستان- وزارت امور خارجهی کشور میگوید که ۸۰ شهروند افغان که در تاجیکستان زندانی بودند، امروز (یکشنبه، ۶ اسد) برای ادامهی محکومیتشان به افغانستان انتقال داده شدهاند.
صبغتالله احمدی، سخنگوی وزارت خارجه به روزنامه اطلاعات روز گفت که انتقال تمامی این زندانیان به رضایتشان صورت گرفته است.
به گفتهی آقای احمدی، درخواست انتقال این زندانیان حدود دو ماه پیش (۲۸ ثور) در دیدار صلاحالدین ربانی، وزیر امور خارجهی کشور با امام علی رحمان، رییسجمهوری تاجیکستان از سوی افغانستان مطرح شده بوده است.
او افزود که آقای ربانی در این دیدار که در حاشیهی هفتمین نشست وزیران خارجهی آسیای مرکزی به علاوهی جاپان برگزار شده بود، خواستار اجراییشدن موافقتنامهی استرداد مجرمین میان دو کشور و انتقال زندانیان شده بود.
همچنان سخنگوی وزارت خارجه افزود که این درخواست با استقبال جانب تاجیکستان روبهرو شده بوده است.
تاجیکستان پیش ازاین نیز شماری از زندانیان افغان را به افغانستان مسترد کرده است. در این اعلامیه، آمار مشخصی از تعداد زندانیان افغان در تاجکستان ارایه نشده است.
هفتمین نشست سالانهی وزیران خارجهی کشورهای جاپان، ازبکستان، قزاقستان، قرغیزستان، تاجیکستان و ترکمنستان در ۲۸ ثور در شهر دوشنبه، پایتخت تاجیکستان برگزار شده بود.
