شفقناافغانستان-ظاهر اغبر، سفیر افغانستان در تاجیکستان اعلام کرد که بیش از 6 هزار و 500 پناهجوی افغان در تاجیکستان زندگی میکنند که از این تعداد نزدیک به 90 تن از آنان در زندان به سر میبرند.
به گزارش خبرگزاری شفقناافغانستان، بر اساس گفتههای اغبر، این شهروندان به اتهام جرمهای گوناگون از جمله قاچاق مواد مخدر بازداشت شدهاند.
وی گفت: «خوشبختانه در سالهای گذشته یک تعداد (زندانیان) تبادله شدند و یک تعداد به دولت اسلامی افغانستان تسلیم داده شدند.»
سفیر افغانستان در دوشنبه، با بیان اینکه وضعیت زندگی پناهجویان افغان در تاجیکستان خوب است و هیچگونه مشکل آموزشی و نیز موانع فرا راه کار شان وجود ندارد، گفت: «هیچنوع ممانعتی در کار در تاجیکستان به پناهندههای ما موجود نیست.»
از سوی دیگر شماری از جوانان افغان که در تاجیکستان زندگی میکنند، از زندگیشان در این کشور راضی به نظر میرسند؛ اما میگویند اگر صلح در کشور تأمین شود به افغانستان باز خواهند گشت.
با این همه، سفیر افغانستان در دوشنبه میگوید که تاجیکستان از ناامنیها در مرز این کشور با افغانستان نگرانیهایی دارد.
