شفقناافغانستان-امامعلی رحمان رئیسجمهور تاجیکستان با زلمی خلیلزاد فرستاده ویژه آمریکا در امور صلح افغانستان دیدار و گفتگو کرد.
به گزارش خبرگزاری شفقناافغانستان، سرویس مطبوعاتی رئیس جمهور تاجیکستان امروز نوشت: امامعلی رحمان بنیانگذار صلح و وحدت ملی رهبر ملت، رئیس جمهوری تاجیکستان، با زلمی خلیلزاد نماینده ویژه ایالات متحده برای آشتی در افغانستان، که برای یک سفر کاری وارد تاجیکستان شد، دیدار کرد.
در این دیدار طرف ها جنبه های گوناگونی از وضعیت کنونی افغانستان، به ویژه روند بازگرداندن صلح و ثبات در این کشور و همچنین موضوعات موضعی منطقهای و جهانی را مورد بحث قرار دادند.
در همین راستا رئیس جمهوری تاجیکستان تأکید کرد، که توسعه اوضاع در همسایگی افغانستان و توسعه روابط چند وجهی تاجیکستان با آن دائماً در مرکز توجه ما قرار دارد.
رهبر ملت تاجیکستان گفت: تاجیکستان از تلاش های دولت افغانستان برای برقراری امنیت و صلح در این کشور حمایت می کند و تأکید کرد که در عین حال گفتگوهای میان افغانستانی ها ادامه پیدا کند.
موضوع بحث دیگر میان رئیس جمهور تاجیکستان و فرستاده امریکا برای افغانستان وضعیت امنیتی کنونی منطقه بود.
در این راستا، طرف ها به لزوم تقویت همکاری در مبارزه مشترک با تهدیدها و چالش های مدرن، از جمله تروریسم، افراط گرایی، قاچاق مواد مخدر و سایر جرایم سازمان یافته فراملی اشاره کردند.
در همین راستا، تأکید شد که تاجیکستان با استفاده از تمام پتانسیل و فرصت های موجود، به تلاش های خود برای کمک به حل مسئله افغانستان و بازسازی اقتصادی و اجتماعی آن ادامه خواهد داد.
یادآوری می کنیم، که پیش از این زلمی خلیلزاد با وزیر خارجه تاجیکستان هم دیدار کرده بود.
