شفقنا افغانستان- رئیسجمهور تاجیکستان بار دیگر تاکید کرد که برای حلوفصل بحران افغانستان در این کشور باید یک «دولت فراگیر» تشکیل شود.
به گزارش خبرگزاری شفقنا افغانستان، به نقل از پایگاه خبری خاور، امامعلی رحمان، رئیس جمهور تاجیکستان طی سخنانی در هفتاد و ششمین اجلاس مجمع عمومی سازمان ملل در نیویورک گفت که کشورش خواهان تشکیل یک دولت فراگیر در افغانستان است.
وی همچنین گفت: «ما در امور داخلی افغانستان دخالت نمیکنیم، اما همه طرفها در دولت این کشور حضور داشته باشند.»
او همچنین تصریح کرد که تشکیل هر دولتی بدون در نظر گرفتن منافع کل مردم افغانستان، این کشور را با عواقب فاجعهباری مواجه خواهد کرد.
گفتی است، رئیس جمهور تاجیکستان پیشتر نیز طی سخنانی در نشست سازمان همکاری شانگهای در شهر دوشنبه تاکید کرده بود که در افغانستان باید دولت فراگیر و با مشارکت همه اقوام تشکیل شود.
