شفقنا افغانستان- مقامهای وزارت دفاع امریکا یا «پنتاگون» میگویند که این کشور میخواهد که طی یک همکاری متقابل، 50 فروند طیاره نظامی نیروهای افغان را که به ازبیکستان و تاجیکستان انتقال داده شدهاند، به این کشورها واگذار کند.
به گزارش خبرگزاری شفقنا افغانستان، در یک گزارش روزنامه امریکایی «پولیتیکو» آمده است که در این رابطه گفتوگوها میان مقامهای سه کشور جریان دارد.
منبع میافزاید، این طیارهها در بدل تلاشهای مبارزه با تروریزم در افغانستان، به دولتهای ازبیکستان و تاجیکستان داده میشود.
گفتنی است که همزمان با سقوط حکومت پیشین، نیروهای افغان و برخی مقامها با دهها هلیکوپتر و طیارههای نظامی به کشورهای ازبیکستان و تاجیکستان فرار کردند.
طالبان پیشتر نیز خواستار بازگرداندن این طیارهها به افغانستان شده است، اما تاجیکستان و ازبیکستان به این خواست گروه طالبان پاسخ مثبت ندادهاند.
