شفقنا افغانستان- سخنگوی طالبان در واکنش به گفتههای رییسجمهور تاجیکستان، مبنی بر بدلشدن ولایتهای شمالی افغانستان به محل پرورش تروریستان بینالمللی، آن را بیاساس خوانده و میگوید که برای رفع این نگرانی، خواهان گفتگو با تاجیکستان است.
به گزارش خبرگزاری شفقنا افغانستان، ذبیحالله مجاهد، سخنگوی طالبان، در واکنش به گفتههای رییسجمهور تاجیکستان، مبنی بر بدلشدن ولایتهای شمالی افغانستان به محل پرورش تروریستان بینالمللی، آن را بیاساس خوانده و میگوید که برای رفع این نگرانی، خواهان گفتگو با تاجیکستان است.
مجاهد، امروز (شنبه، ۱۳ جوزا) به سلاموطندار گفت: «رؤسای جمهور کشورها، نباید در این مسٔله دامن بزنند ما خواهان گفتگو با آنها استیم و به آنها اطمینان میدهیم که استراتژی امارت، هم همین است که به هیچ کشور زیان وارد نمیشود.»
وی افزود که بحث تشکیل حکومت فراگیر و تأمین حقوق زن، موضوع داخلی افغانستان است و کشورهای منطقه و جهان، نباید به آن دخالت کند.
شرکتکنندگان دومین نشست سران آسیای میانه و کشورهای اتحادیهی اروپا که روز گذشته در قیرقیزستان برگزار شده بود، بر تشکیل حکومت فراگیر، تأمین حقوق زنان و مبارزه با تروریزم در افغانستان تأکید کردهاند.
