«ولادیمیر پوتین» رییس جمهوری روسیه در یک گفت و گوی تلفنی با ‘امامعلی رحمان’ همتای تاجیک خود، از حمله دو روز پیش یک گروه مسلح به دو نهاد دولتی تاجیکستان اظهار نگرانی کرد و این حادثه را تلاشی برای ناآرام کردن این کشور دانست.
به گزارش شفقنا افغانستان به نقلا ز ایرنا، پوتین در این گفت و گو از تلاش دوشنبه برای حفظ آرامش در کشور پشتیبانی کرد و گفت: این موضوع را در نشست سران کشور های سازمان پیمان امنیت دسته جمعی که روز 15 سپتامبر (24 شهریور) در دوشنبه برگزار خواهد شد، بررسی خواهند کرد.
گفت وگوی پوتین و رحمان بدنبال دو حمله مسلحانه در شهرهای دوشنبه و وحدت انجام شد که در نتیجه انها هشت نیروی پلیس و کارمند وزارت دفاع و وزارت کشور تاجیکستان کشته شدند.
وزارت کشور تاجیکستان با انتشار بیانیه ای اعلام کرده است که 13 تن از اعضای گروه مسلحی که روز جمعه به مراکز دولتی حمله کرده بودند، در عملیات نیروهای دولتی در دره رامیت کشته و 32 نفر از اعضای این گروه هم بازداشت شده اند.
روز جمعه گذشته در مجموعه حملات افراد مسلح به مراکز وزارت کشور و وزارت دفاع تاجیکستان در دوشنبه پایتخت و ناحیه وحدت در نزدیکی شرق پایتخت هشت نیروی پلیس و 9 تن از مهاجمان کشته شدند.
انتهای پیام