شفقناافغانستان-در ولایت لوگر مکاتب دولتی و خصوصی دروسشان را شروع کردند.
به گزارش خبرگزاری شفقناافغانستان، وزارت معارف روز گذشته (اول سنبله) در لوگر گفت: کلاسهای صنف یازدهم و دوازدهم مکاتب دولتی و دروس تمام صنفهای مکاتب خصوصی در ولایت لوگر آغاز گردید.
بر این اساس طی مراسمی که در مکتب پسرانه عمر فاروق و مکتب دخترانه بیبی آمنه برگزار شده بود، ناصر احمد سیدی مسئول وزارت معارف، خواجه سیف اور رحمان مؤمنیار آمر شهری معارف، مدیران و معلمان و دانشآموزان این مکاتب شرکت داشتند.
ناصر احمد سیدی، مسئول وزارت معارف لوگر از شاگردان خواست هنگام حضور در مکتب توصیههای بهداشتی وزارت معارف و وزارت صحت عامه را رعایت کنند.
وی افزود: دانشآموزان در کلیه مکاتب دولتی و خصوصی طبق دستورالعمل وزارت معارف و وزارت صحت عامه آموزش میگیرند.
پیش از این به دلیل ترس از بیماری کرونا کلیه مکاتب در 5 ماه گذشته بسته شده بودند که طی این مدت آموزش شاگردان از طریق رسانهها به صورت غیرحضوری صورت میگرفت.
همچنان وزارت معارف و مسئول وزارت معارف لوگر برای صنوف باقی مانده منتظر تصمیم کابینه هستند.
