وزارت خارجه قطر از آزادی 4 سرباز تاجیک از دست طالبان با میانجیگری این کشور خبر داد.
به گزارش شفقنا افغانستان به نقل از آزادگان، 4 سرباز نیروهای مرزبانی تاجیکستان که در ماه دسامبر (دیماه) سال جاری از سوی طالبان در مرز با افغانستان به اسارت درآمده بودند، با کمک امیر قطر آزاد شدند.
وزارت امور خارجه قطر امروز اعلام کرد با میانجیگری این کشور 4 سرباز تاجیک از اسارت طالبان آزاد و به مقامات تاجیکستان تحویل داده شد.
در اطلاعیه این وزارتخانه آمده است، این اقدام برای رهایی سربازان تاجیک بر اساس دستور «تمیم ابن حمد آل ثانی» امیر قطر صورت گرفته است.
مسئولین وزارت خارجه قطر، میانجیگری «دوحه» در راستای این عملکرد را براساس ارزشهای انسان دوستی عنوان کرده و افزودند: قطر برای رهایی سربازان به اسارت افتاده تاجیک از تمام راههای دیپلماتیک استفاده کرده است.
گروه مسلح طالبان در تاریخ 19 دسامبر سال گذشته 4 مرزبان تاجیک را در حالی به اسارت گرفتند که آنها در نقطه مرزی «امام صاحب» افغانستان به هیزم کشی مشغول بودند.
انتهای پیام